Hiru Erregeen Mahaia
Larunbatean
Asier Illarramendi, larunbatean, 'Hiru Erregeen Mahaia'n
G.U.
Realera itzuli denetik mutrikuarrak emango duen lehen elkarrizketa izango da, eta 17:30 aldera izango dugu entzungai.
Asier Illarramendi Euskadi Irratiko 'Hiru Erregeen Mahaia' saioan izango da larunbatean. Realera itzuli denetik jokalari mutrikuarrak emango duen lehen elkarrizketa izango da, eta 17:30 aldera izango dugu entzungai.
Txetxu Urbietak gidatzen duen saioan, nola sentitzen den azalduko du Illarrak, eta Realaren egungo egoeraz ere arituko da gipuzkoarra. 2013an, 23 urte zituela, Reala, betiko taldea, utzi, eta Madrilerako bidea hartu zuen, Real Madrid taldearen aldagelara, hain zuzen ere. Bertan 2 denboraldi egin ondoren, etxera itzultzea erabaki du futbolari gazteak, eta talde donostiarrak denboraldi honetan egin duen fitxaketa garrantzitsuena izan da (eta garestiena, 17 milioi euro ordaindu baitzuen).
Asier Illarramendirekin zabal hitz egiteko aukera izango du 'Hiru Erregeen Mahaia' saioko lantaldeak larunbat honetan, 17:30ean.
