Lurrama, larunbatean, 'Landaberri'n

Lurrama Biarrizko Azoka handian sartuko da 'Landaberri' larunbat honetan, Iñaki Berekohirigoin lehendakari berriarekin. Nola antolatu lurralde baten elikadura, zein parte dugun elikadura sisteman, non antzeman lekuko mozkinak… hor galderetako batzuk larunbaterako.

Horrez gainera, Altzoko Pagomotzari begira jarriko gara. Entzuleon botoak behar ditu 2017ko Europako arbolarik ederrena izateko. Jakoba Errekondok hari buruzko iritzia emateaz gain entzuleon galderak erantzungo ditu eta Pello Zabalak negualdirik izango dugun ala ez aurreratuko du.

'Landaberri' larunbatetan izaten dugu entzungai, 9:00etatik 10:00etara.