Lizardiren baratza

Ibarrolarentzat basoa zen arte soziala egiteko lekurik onena, bertan elkartzen baitziren arte garaikidea eta historiaurreko artea. Omako basoan barrena goaz Beñat Axiarik, Joseba Irazokik, Julen Axiarik eta Oihan Oliarj-Inesek plazaratu duten Bas(h)oan disko berriko soinuak entzunez.

Diktadura frankistaren biktimak oroitzeko eta omentzeko eguna ospatu dute Madrilen. Erreparazioa eta errekonozimendua emateko 18 aitorpenetako bat Gabriel Arestiri eman zaio. 

Maialen Lujanbio bertsolariaren eta Xabier Erkizia soinu-artistaren egitasmoa da aHUTSAK HARTUa: "Zarata eta hautsa, beti dira aukerak. Haien partikulen gainean altxatu dira gure izateko erak eraikitzeko baliatu ditugun munduak. Gure museo partikular eta intimoak".

115 urte beteko dira Jorge Oteiza artista oriotarra jaio zela. Urteurrena ospatzeko, Jorge Oteizaren erraldoia duen Egues Ibarreko erraldoien konpartsa Orion izango da, eta Pello eta Nikolasa Herriko bi erraldoiekin batera, kalejira egingo dute.

Usurbilgo erdigunean dagoen Zumetaren muralak 50 urte bete ditu. Bisita egingo dugu bere buruaren museoarena egiten duen herrian. 

Berrogeita hamar urte Victor Jara artista eta militante komunista hil zutela. Indarkeria horren guztiaren gainetik Victor Jararen ahotsak bakean bizitzeko eskubidearen alde kantatzen jarraitzen du.

Donostian, 2023ko Zinemaldian estreinatuko den Jon Miranderi buruzko dokumentala aitzakia hartuta, aste honetako saioa egin dugu kontraesanez betetako idazlea, gizon poliedrikoa eta ahalmen ikaragarriko pertsona izan zen Jon Mirande poetaren inguruan.

Poesia ardatz daukan egitasmoa antolatuko du Euskaltzaindiak Lekeition. Irailaren hondarrean egingo den lehen edizio honetarako, Mireia Calafell eta Antónia Vicens izango dira bi poeta gonbidatuak. Gainera, Iratxe Retolazak euskarazko poesian XXI. mendeak orain arte eman duena aztertuko du.

Castillo Suarez idazlea 2022n izendatu zuen Euskaltzaindiak euskaltzain oso eta aurten irakurri du sarrera-hitzaldia Altsasun, jaioterrian. Miren Agur Meabek gutunen bidez eman dio erantzuna Castilloren hitzartzeari, Zazpi gutun eta erditxo maitasunaren botanikariari izeneko testuarekin.

Castillo Suarez euskaltzain oso izandatu berriak sarrera-hitzaldia uztailean irakurri zuen Altsasun, jaioterrian. 'Maitasunaren botanika' izeneko hitzaldian bere bizitzan eragina izan duten egile eta poema liburuak izan ditu gogoan Suarezek.  Irrati-urte berriko gure lehen irratsaioan haren berbaldia entzun dugu.

Joan Mari Irigoien idazlea izan zenari omenaldi beroa 

Kirmen Uribe idazle ondarrutarrak jaso du 2023ko Laboral Kutxa-Eusko Ikaskuntza saria.

Duela ia hamar urte Joseba Sarrionandiak Habanan sortu zituen dozena bat testu. Orain, idazlea Euskal Herrian dela, letra horien jatorria eta zergatia azaldu ditu Ines Osinagaren musikaz lagunduta.

Joxan Artzek euskal kulturari, euskarari eta kantagintzari egin zion ekarpena oso aberatsa eta anitza da. Artzek hitzak jarri zizkion gure imajinario kolektiboan hain sakon errotuta dauden hainbat eta hainbat abestiri.

Mario Benedettiren olerki-antologia euskarara ekarri du Susak. Munduko Poesia Kaierak bildumarako itzuli du Inma Errea itzultzaileak.

Edgar Lee Masters poetaren 'Spoon River Antologia' lehen aldiz ekarri du euskarara Balea Zuriak. Alain Lopez de Lacallek itzuli du. Poeta estatubatuarraren obra nagusia 'Poetika' zikloaren baitan aurkeztu dute,  Koldo Mitxelena Kulturunean.

Julio Villar donostiarraren 'E, petrel!' liburu ezaguna euskaratu du Ibon Gaztañazpik. Egileak eta itzultzaileak liburuaren irakurraldia egin dute Garoa liburu dendan. 

Eduardo Txillidaren Topalekua IV eskultura Bilboko Arte Ederren museotik Txillida Lekura eraman dute. Bertan egongo da jendearen topalekua izan dadin, jendeak goza dezan, eskultoreak grabitatea ulertzeko zuen modu poetikoarekin bat egiten.

Espainiako Kritikaren Saria irabazi du Aritz Gorrotxategi poeta eta idazle donostiarrak Uda betea (Elkar, 2022) poema bildumagatik. Poesiaren kategorian, liburua iazko euskarazko lanik onena dela iritzi dio Espainiako Literatur Kritikaren Elkarteak.

Hegazkinetatik zibilen aurka eginiko bonbardaketen literaturari buruz Iñigo Aranbarrik osatu zuen liburuxka da Baratzera ekarri duguna, Durango eta Gernikako 86. urteurrenaren kariaz.

Kerobia musika taldearen letrak eta soinua lagunduta, zoriondu gaitezen elkarrekin esploratu dezakegun guztiarekin. Gora bizitza! 

Juan Luis Zabalak euskaraz jarri ditu Leonard Cohenen hamalau kanturen hitzak.

Juan Luis Zabala 'Mina hartzeko ere' liburuko poemak irakurtzen, Koldo Mitxelena Kulturuneak antolatutako Poetika zikloaren testuinguruan, Alex Gurrutxaga irakasleak eta June Agirre gitarristak lagunduta