Txiriboga
Ibai Zangitu
'Gozategiren musikak haurrak eta erretiratuak elkartzen ditu'
Ezkontzetan, jaietan eta erretiratuen ekitaldietan askotan aritzen da Ibai Zangitu DJ lanetan. Abesti zerrenda egokia nola osatu kontatu digu 'Txiriboga' saioan.
-
Ibai Zangitu.
20:06 min
AZ Visual Mediako langilea da Ibai Zangitu aretxabaletarra. Ikus-entzunezkoak sortzen dituzte enpresa eta erakundeentzat, eta AZ Gaubelak izenpean ezkontzetan eta ekitaldietan aritzen dira DJ lanetan. Ekitaldien sekretuak kontatu dizkigu 'Txiriboga' saioan.
Ibai Zangitu eta Mikel Alberdi lehengusuek duela urte batzuk inguru sortu zuten AZ Gaubelak. Hortik dator izena: Alberdiren A eta Zangituren Z ditu. Ezkontzetako eta gisako ospakizunetako bideoak egiten zituzten, eta ekitaldietan DJ lanetan aritzen ziren. Apurka-apurka joan ziren lan gehiago izaten, eta proiektu sendoagoa sortu dute: AZ Visual Media. Enpresentzako zein erakundeentzako ikus-entzunezko lanak ekoizten dituzte, bideoetatik hasi eta argazkietaraino.
