EiTB Irratia Taldea, FM eta Internet bidez jarraitu ahal izango da

EiTB taldeko Radio Euskadi, Euskadi Irratia eta Radio Vitoria irratiek, maiatzaren 1etik aurrera, OM utziko dute, eta frekuentzia modulatuan eta Internet bidez jarraitu ahal izango dira. Apirilean apurka-apurka uhin ertainetan potentzia jaisten joango dira, hileko lehen egunean bertan, emanaldiak behin-betiko itzaliko dituzte.

EiTBko irratiak FM bidez hartzeko frekuentzien zerrenda eitb.com-en dago argitaratuta. Horrez gain, sarean irratia entzun nahi izanez gero, eitb.com-en bidez ere harrapa daitezke. Android sistema operatiboa duten gailuetan, zein Applelen IOS sistema erabiltzen dutenen bidez ere, besteak beste, entzungai daude. Horrez gain, eitbnahieran webguneak nonnahi eta nolanahi irratia entzuteko aukera eskaintzen du, eta norberak bere programazioa atontzeko aukera ere ematen du.

Neurria hartzerakoan, eraginkortasun ekonomikoa izan da arrazoi nagusia, kontutan hartuta egungo FMren estaldura kalitatea handikoa dela eta webak ere geroz eta hedapen handiagoa duela.