Irratia
Bostetatik aurrera
Juan Karlos Izagirre, ostiraleko 'Mezularia'n
M.S.
Euskadi Irratia
Donostiako alkatea elkarrizketatuko dute Jaime Otamendik gidatzen duen irratsaioan.
-
Juan Karlos Izagirre Euskadi Irratiko estudioan. Argazkia: EITB
Ostiraleko 'Mezularia'n Juan Karlos Izagirre Donostiako alkatea izango da gonbidatu. Aasanblea egingo dute Aitor, Mikel eta Nikarekin eta parte-hartzearen gaia jorratuko dutenez, Izagirreri 'Mezulari'ko asanbleakideek esaten dutena aditzea tokatuko zaio lehendabizi eta ondoren berari emango diote hitza.
Arratsaldeko seietan Beñat Iturriotz etorriko da. Orain bi aste frikien tartean ezagutu zuten eta bere lanaz sakonago aritzeko tartea hartuko dute bigarren orduan.
Eli Zunzunegi eta Olatz Arrietarekin egingo dituzte azken minutuak, Bartzelona eta New Yorkeko albisteak errepasatuz.
