Iker Kasares tenorea asteazkeneko 'Udan Blai!' saioan

Iker Kasares tenore Donostirrak a capella abesten ditu kantu klasiko ezagunak. Nahi izatenez gero, zure ezkontza, jaunartze edo irekieran abestu dezake. Asteazkenean ordea, Euskadi Irratiko 'Udan Blai!' saioan izango dute esklusiban.

Horrez gain, Sanferminetan izango dira goizero bezala, kaleko giroa bertatik bertara ekarriz, Iñaki Elortza lankidearen eskutik. Eta Iruñeara joanen direnentzat hiru gomendio arkitektoniko egingo dizkie Asier Muniagorri arkitekto gazteak. Parranda egin bai, baina entzuleek begiradatxo bat bota diezaieten Baluarteari, Autobus Geltoki berriari edo Kondestable Jauregi eraberrituari.

Eta amaitu aurretik,  BBK Live jaialdiko motoreak berotzen hasiko dira. Bertan izango den Ainhoa Urretabizkaia berri emaleak azken prestaketa eta berrien kontaketa egingo du.

Amaitzeko doinua, bukaerako musika izpia, Josu Mitxelenak ekarriko die.

Umoreari ere tartea eginen diote 'Udan Blai!' saioan. Pagadikeriak, Mikel Pagadiren ranking onenak gogora ekarriz.