Arrauna
TKE Ligara igotzeko playoffak
Zierbena, San Miguel Ligatik gertu
Erredakzioa
Traineru bizkaitarrak TKE Ligara igotzeko playoffetako lehen jardunaldia irabazi du, eta igoera oso gertu du. Cabo da Cruz izan da bigarren eta lau puntu bildu ditu.
-
Zierbenak irabazi du playoffetako lehen jardunaldia. Argazkia: EiTB
TKE Ligara edo San Miguel Ligara igotzeko playoffetako lehen jardunaldia jokatu da Bermeon, eta Zierbenak arraunaren maila gorenera igotzea eskura du. Bizkaitarrek playoffetako lehen estropada irabazi dute, eta bost puntu bildu dituzte.
Cabo da Cruz izan da bigarren, eta galiziarrek lau puntu dituzte. Zierbenak erakustaldia eman du, eta 12,66 segundo atera dizkio Cabo da Cruzi. Zumaia izan da hirugarren, eta dena galduta ez duen arren, maila galtzeko arriskua dute gipuzkoarrek. Cabo da Cruzek sei segundo atera dizkio Zumaiari. Meirak amaitu du estropada bigarren postuan (bi puntu), eta Lekittarra izan da bosgarren. Lekeitikoek puntu bakarra eskuratu dute.
TKE Ligara igotzeko playoffetako sailkapena:
1. Zierbena Bahias Bizkaia 20:59,32(5 puntu)
2. Cabo da Cruz + 12.66"(4 puntu)
3. Zumaia + 19.30"(3 puntu)
4. Meira + 19.54"(2 puntu)
5. Lekittarra BM + 19.88" (1 puntu)
