Arrauna
Playoffak
Zierbenak eta Cabo da Cruzek San Miguel Ligara igotzea lortu dute
Erredakzioa
Talde bizkaitarra nagusi izan da playoffetako bi estropadetan. Lekittarra igoera lortzetik puntu bakarrera geratu da, eta Zumaiak maila galdu du.
Zierbena eta Cabo da Cruz San Miguel Ligako taldeak izango dira datorren denboraldian. Bi taldeek arraunaren maila gorenera igotzea lortu dute playoffetan.
Igoera playoffetako bi jardunaldiak irabazi ditu Zierbenak. Bermeon nagusi izan zen larunbatean, eta igande honetan jaun eta jabe izan da Portugaleten. Bigarren jardunaldian, Zierbenak 56 zentesima atera dizkio bigarren izan den Lekittarrari. Meira hirugarren izan da, Cabo da Cruz laugarren, eta Zumaia bosgarren.
Cabo da Cruzek bigarren postuan amaitu zuen lehen jardunaldia, eta horretaz baliatu da igoera lortzeko. Sailkapen nagusiko bigarren postua eskuratu dute galiziarrek, eta puntu bakarragatik gainditu dute Lekittarra. Lekeitioko trainerua bosgarren izan zen lehen jardunaldian puntu bakarra eskuratuta. Horren ondorioz, igoera lortu gabe geratu da.
Zumaiak estropada kaskarra egin du Portugaleten, eta maila galdu du. Talde gipuzkoarra KAE-1 Ligan lehiatuko da datorren denboraldian.
Playoffetako bigarren jardunaldiko sailkapenak:
.1. Zierbena 19.38:44 (5 puntu)
.2. Lekittarra 19.39.00 (4 puntu)
.3. Meira 19.39.56 (3 puntu)
.4. Cabo da Cruz 19.48.32 (2 puntu)
.5. Zumaia 19.55.42 (puntu bat)
Playoffetako lehen jardunaldiko sailkapenak:
.1. Zierbena 20.59:32 (5 puntu)
.2. Cabo da Cruz 21.11:98 (4 puntu)
.3. Zumaia 21.18:62 (3 puntu)
.4. Meira 21.18:86 (2 puntu)
.5. Lekittarra 21.19:20 (puntu bat)
Playoffetako sailkapen nagusia:
.1. Zierbena 10 puntu
.2. Cabo da Cruz 6 puntu
.3. Lekittarra 5 puntu
.4. Meira 5 puntu
.5. Zumaia 4 puntu
