Arrauna
San Miguel Liga
Urdaibai nagusi, Nauta Sanxenxo Banderan
Erredakzioa
Bermeotarrak jaun eta jabe izan dira lehen txandan, baina Oriok ere estropada bikaina egin du eta garaipena lortzear izan da. Azkenean, gipuzkoarrak bigarren geratu dira, bost segundora.
-
Bermeotarrek bost segundo atera dizkiote Oriori. EiTB.
Urdaibaik irabazi du Nauta Sanxenxo Banderaren bigarren edizioa.. Bizkaitarrak lehen txandan aritu dira eta hor ez dute areriorik izan: 41 segundo atera dizkiote Zierbenari, 59 San Pedrori, eta minutu eta 46 segundo Pedreñari.
Estropadako bigarren postuan Orio geratu da. Gipuzkoarrak hirugarren txandan lehiatu dira eta Urdaibairi bandera kentzear izan dira azken luzean. Hala ere, azken metroetan indarra galdu dute eta, momentu batean bermeotarren denboran izan badira ere, garaipenak ihes egin die azken metroetan.
Bigarren txanda makalena izan da. San Juan gailendu da, Caboren, Astilleroren eta Portugaleteren aurretik.
Orio da San Miguel Ligako sailkapeneko liderra, eta Urdaibaik azken postuan jarraitzen du. –72 punturekin, aurreko denboraldiaren ostean jasotako zigorraren ondorioz.
San Miguel Ligako sailkapena
Orio 23
Kaiku 19
Hondarribia 18
Tirán 16
San Juan 12
Zierbena 10
Cabo 9
Portugalete 9
Astillero 8
San Pedro 7
Pedreña 1
Urdaibai -72
