Arrauna
San Miguel Liga
Pedreñan eta Donostian, asteburuko hitzorduak
Erredakzioa
Larunbatean Marina de Cudeyo IX Bandera–Dynasol Sari Nagusia jokatuko da Kantabriako uretan, eta igandean Donostian izango da hitzordua, Eusko Label Banderarekin.
-
Orio. Argazkia: San Miguel Liga
Larunbat honetan jokatuko dira, 17:00etatik aurrera, Marina de Cudeyo IX Bandera–Dynasol Sari Nagusia eta Euskotren Ligako lehen jardunaldia
Mediterraneo eta Atlantikoko uretan ibili ondoren, txapelketa kantabriar itsasora itzuliko da, Pedreñara hain zuzen ere. Bertan jokatuko da San Miguel Ligako laugarren jardunaldia.
Gainera, jardunaldi honekin batera, Euskotren Ligari hasiera emango zaio 16:30etik aurrera. Estropada honetan, jokoan izango dira Zumaiarekin batera, denboraldi osoan zehar, aritzeko dauden hiru txartelak. Guztira, zazpi traineru lehiatuko dira.
Igandean Donostian jokatuko da ligako bosgarren jardunaldia, Eusko Label Bandera. Estropada 12:00etan hasiko da.
eitb.eus-ek eta ETB-1ek zuzenean eskainiko dituzte proba biak (larunbatean 17:00etan eta igandean 12:00etan).
