Publizitatea
Itxi

2021/07/16

18:32

Arrauna

Uztailak 17

Orioko Bandera 2021: Estropada eremuaren nondik norakoak eta marearen iragarpena

EITB MEDIA

Euskotren eta Eusko Label Ligako jardunaldiak larunbatean jokatuko dira, eta ETBk eta eitb.eus-ek zuzenean emango dituzte 17:30etatik aurrera.

  • Orioko Banderaren estropada eremua

    Orioko Banderaren estropada eremua

  • Whatsapp
  • Whatsapp
  • Bidali

Orioko XXXI. Estropada - Orio Kanpina IX. Bandera eta Orioko XXI. Emakumeen Estropada - Orio kanpina IX. Bandera izango dira asteburuan jokoan izango diren lehen banderak 

Orion jokatuko dira asteburu honetako Eusko Label Ligako eta Euskotren Ligako lehen jardunaldiak larunbatean. Gipuzkoako herriak jardunaldi zirraragarria hartuko du, izan ere gizonezkoen lehiaketa, emakumezkoena bezala, gori-gorian dago. Azken urteetan ohikoa den bezala, estropada eremua itsaso zabalean izango da, kanpoko kai-muturraren ondoan. Aurreko denboraldian, Bermeo Urdaibai Aviak bere bi banderetako lehena lortu zuen estropada eremu honetan, Donostiarra Lacturalek bere bigarren Bandera lortu zuen bitartean.

Arratsaldeko 17:30ean emakumezkoa hasiko da eta ondoren gizonezkoa. ETBk eta eitb.eus-ek zuzenean emango dituzte bi estropadak.

Estropada eremua:

Arraun tradizio handiko herria izanagatik, herrian bertan itsasoko estropada eremua fidagarria edukitzea asko kosta da Orion.

2018an estreinatu zen gaur eguneko eremua. Orioko kanpoko barraren atzealdean kokatuak daude barruko balizak, Oria ibaiak itsasoratzean dakarren ur emaria saihestuz, eta kanpokoak Molarri uhartea baino lehentxeago. Beraz, ipar mendebaldeko norabidea hartzen dute traineruek. Eremuaren azpiko hondoa nagusiki hondarrezkoa da, kanpoko balizetara hurbiltzearekin batera arrokazko branka batzuk agertzen badira ere. Hondoei dagokionez, barruko balizetan nahikoa ur izango dute ontziek. 12 metro lehenengo kalean eta 15 laugarrenean. Kanpoan, berriz, lau balizetan 22 metro inguruko sakonera izango dute.

Eremu osoan sonda gutxieneko zatia luzearen erdialdean dago, 12 metro lehenengo eta bigarren kalearen mugan.

Itsasoaren baldintzei dagokionez, metro eskaseko hondoko olatuak espero dira eta ipar ekialdeko haizetxo arina, arratsaldeak aurrera egin ahala indarra gal dezakeena. Itsasbehera 16:43 minutuan izango da , eta beraz, estropada guztiak ura gora emanda botako dituzte. 60ko koefizientea izango du mareak, erdi mailakoa.

  • Bisitatuena

      Kargatzen ikusiena
      Kargatzen ikusiena
    ;