Publizitatea
Itxi

2021/07/31

20:17

Arrauna

Bilboko Bandera

Hondarribia eta Arraun Lagunak izan dira azkarrenak, Bilboko erlojuaren kontrako lehian

EITB MEDIA

Donostiarrek banderaren historiako denborarik onena egin dute, 10:31. Ama Guadalupekoari dagokionez, bosgarrenez gailendu da, jokatutako 12 edizioetan.

0:47
Hondarribiako ontzia garaikurra jasotzen
  • Whatsapp
  • Whatsapp
  • Bidali

Hondarribiak murriztu egin du Santurtzi liderrak sailkapen nagusian duen aldea Bilboko Bandera aise irabazita. Gipuzkoarrak bosgarrenez gailendu dira Bizkaiko hiriburuko uretan. Hasieratik aurkarien denborak hobetu dituzte, ohiko legez erlojuaren kontra jokatu den estropadan.

Ohorezko txandan aritu diren traineruak izan dira Banderako azkarrenak. Zierbena bigarren izan da, Hondarribiak baino 7 segundo gehiago eginda, Santurtzi hirugarren, 11 segundora, eta Orio laugarren, 13 segundora.

Lekittarrak ezin izan du parte hartu, covid-19an bi positibo antzeman ostean. Horrela, lehen txandan hiru traineru bakarrik aritu dira eta denborarik onena Tiranek egin du. Bigarrenean, berriz, Donostiarra izan da azkarrena eta eurena izan da txanda nagusiko ontziek erreferentzia modura izan duten denbora.

Bilboko Bandera denborak Eusko Label Liga

Bilboko Bandera denborak Eusko Label Liga

 

Eusko Label Ligako sailkapena 9 jardunaldi jokatuta

Eusko Label Ligako sailkapena 9 jardunaldi jokatuta

Arraun Lagunak, garaipena eta puntu bateko aldea

Arraun Lagunakek irabazi du III. Bilboko Bandera eta orain puntu bateko aldea du Oriorekin Euskotren Ligako sailkapenean.

Gizonezkoen kasuan bezala, erlojuaren kontrako lehia izan da Bilboko itsasadarrean, estropada eremua oso estua delako.

Arraun Lagunak azkena izan da irteeran eta 10 minutu 31 segundo eta 24 ehuneneko denborarekin gailendu da. Sei segundoko aldea atera die beste hiru traineruei, Orio, Donostiarra eta Hondarribia segundo bakar batean iritsi baitira.

Bilboko Bandera denborak Euskotren Liga

Bilboko Bandera denborak Euskotren Liga

Euskotre Ligako sailkapena 9 jardunaldi jokatuta

Euskotre Ligako sailkapena 9 jardunaldi jokatuta

  • Bisitatuena

      Kargatzen ikusiena
      Kargatzen ikusiena
    ;