Arrauna
IGANDE HONETAN
Espainiako Batel Txapelketak 79 txalupa bilduko ditu Sestaon
AGENTZIAK | EITB MEDIA
Galiziako eta Euskadiko federazioak izango dira ordezkatuenak, 29 eta 27 tripulaziorekin, hurrenez hurren. Igandeko finala 10:00etatik aurrera jarraitu ahalko da eitb.eus-en.
-
Euskadiko Txapelketa. Argazkia: EITB MEDIA
Espainiako Batelen LXXX. Txapelketak 79 txalupa bilduko ditu asteburuan Sestaoko (Bizkaia) La Benedicta dartsenan, Galizia, Asturias, Kantabria, Katalunia eta Euskal Herritik etorritakoak.
Galiziako (29 tripulazio) eta Euskadiko (27) federazioak izango dira ordezkari gehien izango dituztenak Bizkaiko uretan, Kantabriako 17 ontzik, Asturiaseko hiruk eta Kataluniako beste hiruk osatuko duten flotaren barruan.
Zortzi titulu jarriko dira jokoan Bizkaiko uretan (infantilak, kadeteak, gazteak eta absolutuak, emakumezkoetan zein gizonezkoetan), Kaikuk antolatutako txapelketetan. Txapelketa Sestaoko klub historikoaren sorreraren mendeurrena ospatzeko ekitaldien barruan kokatuta dago.
Kanporaketako estropadak larunbatean jokatuko dira, 10:30etik aurrera. Igandean, berriz, 10:00etan B finalak hasiko dira jokatzen, eta 11:30etik aurrera final nagusien txanda izango da.
