Beste kirolak
Emakumezkoen Liga
Bera Berak liga irabazi du
Erredakzioa
Reyes Carrereren neskek 18-32 irabazi dute Castro Urdialen kontra azkenengo jardunaldian eta liga aurrenekoz irabazi dute.
Bera Bera taldeak Liga aurrenekoz irabazi du azkeneko jardunaldian Castro Urdialek jipoitu ondoren (13-32).
Gipuzkoako taldea puntu bakarreko aldearekin heldu da azkeneko jardunaldira, eta Reyes Carrereren neskek ez dute hutsik egin. Lehenengo zatian Bera Berak espero baino gehiago sufritu du, eta atsedenaldira 8-11ko abantaila txikiarekin joan da.
Bigarren zatian Donostiako taldeak erakustaldia eman du, eta aise nagusitu da, Castro Urdiales ahularen kantxan. Bera Berak soilik bi neurketa galdu ditu ligan, eta Kantabriako taldeak garaipen bakarra eskuratu du, beraz aldea nabaritu da.
Bera Berak denboraldi ikusgarria burutu du Liga irabazita, Reyes Carrereren neskek Espainiako Superkopa eta Erreginaren Kopa ere irabazi baitituzte.
