Domenicalik Ferrariko kirol zuzendari kargua utzi du

Stefano Domenicalik, Ferrariko kirol zuzendariak, dimisioa aurkeztu, ohar baten bidez adierazi duenez. 1 Formulako talde italiarrak ordezko bat izendatu du: Marco Mattiacci, orain arte Ipar Amerikan ordezkaria izan dena.

Domenicaliren arabera, erabakia "zaila eta sufritua" izan da: "Aldaketa garrantzitsua egiteko ordua da. Zuzendari bezala, egungo egoeraren erantzukizuna bereganatzen dut. Giro honetan erabateko aldaketa eragiteko erabakia izan da, hain lotuta nagoen talde honen onurarako".

Kirol zuzendari ohia, Ferrarin 1991tik, taldearen lana eskertu du, eta bereziki, automobil-taldeko presidente Luca Cordero di Montezemoloren babesa.