Beste kirolak
Guajardo , jokalari onena
Belar hockeya: Reala, hirugarren Kopan
K.I.
Erredakzioa
Final-laurdenetan C.D. Terrassaren aurka irabazi zuten eta finalerdietan Juniorren aurka galdu zuten. Hirugarren postua lortzeko neurketan Egara garaitu zuten.
Final-laurdenetan C.D. Terrassa menperatu zuten. Ligako bigarren eta hirugarren sailkatua aurrez aurre. Partidu parekatua izan zen, polita, 2-2 amaitu zena. Penalti-strocketan 4-1 irabazi zuten txuri urdinek.
Finalerdietan Junior izan zuten aurkaria. Neurketa borrokatua hau ere, eta golik gabe amaitu zena. Berriz penaltiak, baina oraingoan gipuzkoarrek galdu egin zuten, 4-1.
Finalera ez sartu izanaren pena gainditu eta hirugarren postua eskuratzeko partidua jokatu zuten igandean. Egara izan zuten aurkaria, 3-2 nagusitu zirelarik neurketa ona jokatuta. 1-0 aurreratu ziren donostiarrak, gero berdindu egin zieten, 3-1 irabazten egon ziren, eta azkenean 3-2.
Txapelketa Club de Campo taldeak irabazi zuen. Madrildarrek Junior menperatu zuten. Partidua 1-1 amaitu zen, eta penaltietan 2-0 irabazu zuen Club de Campok.
Realeko Maria Eugenia Guajardok jaso zuen Kopako jokalaririk onenaren saria.
