Iron Man: Llanosek Lanzaroten irabazi

K.I.

Erredakzioa

Azken eguneratzea: 2010/05/24 17:32 (UTC+2)

2007an egin zuen moduan, Eneko Llanosek erakustaldi aparta eman zuen larunbatean Lanzaroteño Iron Man proban. Gasteiztarrak garaipen argia eskuratu zuen.

Whatsapp
Whatsapp
telegram
twitt
Bidali
Esteka kopiatu

Uretako proba boskote batek ia elkarrekin amaitu zuen, tartean zelarik gasteiztarra. Bizikletako lasterketan Eneko ez zen erotu besteen erritmoarekin, eta bereari eutsi zion. Korrika hasterako 13 minutuko aldea ateratzen zion Twelsiek alemaniarrak. Baina maratoian, 21. kilometro inguruan, Llanosek lasterketa burua hartu zuen, eta amaitu arte eutsi zion.

Gaseiztarraren esanetan, izugarri sofritu zuen, bizikletan batipat, baina portaera ona izanez garaipena lortu zuen. Hawaiko Iron Man munduko txapelketa da Llanosen helburua, eta Lanzaroten erakutsitako maila ikusita, garbi dago faboritoetako bat izango dela urrian burutuko den proba horretan.

4 kilometro igerian, 180 bizikletan, eta 42 korrika, 8h37''43"tan burutu zituen. Eneko Elosegiren lana ere aipatu behar da, 14. postuan amaitu zuelarik proba.

SAILKAPENA:

1 Eneko Llanos EUS 08:37:43
2 Bert Jammaer BEL 08:39:36
3 Maik Twelsiek GER 08:42:53
4 Gerrit Schellens BEL 08:56:59
5 Tuukka Miettinen FIN 08:57:17
6 Nicholas Ward Muñoz ENG 08:58:55
7 Herve Faure FRA 09:05:28
8 Álvaro Velazquez ESP 09:09:16
9 Patrick Jaberg SUI 09:10:03
10 Rafael Wyss SUI 09:11:28
14 Eneko Elosegui Armendariz EUS 09:21:08