Itxi

Beste kirolak

Bulgarian

Iñigo Peñak brontzea irabazi du Europako Piraguismo Txapelketan

Agentziak | Erredakzioa

Zumaiako kirolariak eta Francisco Cubelos taldekideak hirugarren denborarik onena egin dute larunbat goizeko finalean.

  • Iñigo Peña. Argazkia: Basque Team.

    Iñigo Peña. Argazkia: Basque Team.

Iñigo Peñak eta Francisco Cubelosek brontzezko domina irabazi dute Plovdiven (Bulgarian) jokatzen ari diren pistako piraguismoko Europako txapelketan.  00:03:14.056ko denbora egin dute finalean.  

Ostiralean, bigarren denborarik onena lortu zuten euren sailkapen txandan eta A finalera igaro ziren zuzenean. Gaur Max Hoff eta Marcus Gross alemanek (00:03:12.724) eta Marco Tomicevic eta Milenko Zoric serbiarrek (00:03:13.780) baino ez dute euren ontzia gainditu.

K2-1.000 metroko proba olinpikoan lehiatzeaz gain, Iñigok Europako txapelketa honetako K4-1.000 metroko proba ez olinpikoan parte hartuko du bihar Francisco Cubelos, Javier Cabañín eta Marcus Cooper-ekin batera.