Beste kirolak
Ikertzen ari dira
Celia Barquin golf jokalaria hil dute, AEBn
Agentziak | Erredakzioa
Ames hiriko Coldwater Golf Links golf-zelaian aurkitu dute 22 urteko golflari kantabriarraren gorpua.
-
Celia Barquin. Argazkia: EFE
Celia Barquin Arozamena golf jokalari kantabriarra hil dute astelehenean, Iowan (AEB). Poliziak 22 urteko gizon bat atxilotu du, haren heriotza egotzita, eta ikerketa abiatu du gertatutakoa argitzeko.
Ames hiriko Coldwater Golf Links golf zelaian aurkitu zuen haren gorpua Poliziak, dei bat jaso ondoren. Golf poltsa bat jaberik gabe ikusi ondoren ohartarazi zuten Polizia jokalari batzuek, eta handik gertu aurkitu zuten agenteek haren gorpua.
Amesko Poliziaren ustez, lapurreta egiteko asmoz eraso zioten golf-jokalari gazteari, eta eraso horren ondorioz hil zen.
