Beste kirolak
AEBetan
Kayak surfeko Euskadiko selekzioa, taldekako munduko txapelduna
Erredakzioa
Ingalaterra eta AEB bigarren eta hirugarren sailkatu dira, hurrenez hurren.
-
Kayak surf. Argazkia: EITB
Lehiaketako txandetan, Euskadik zortzi lehenengo postu lortu ditu, bi puntuko aldea ateraz 2009an Portugalen munduko txapeldun izan zen Ingalaterrarekiko. Bitartean, estatubatuarrak hirugarren izan dira, Euskadirengandik hamar puntura. Garaipen honekin, euskal selekzioak
2007an Bakio-Mundakan (Bizkaia) lorturiko titulua berreskuratu du.
Kayak surfeko Euskadiko selekzioa ondoko kirolariek osatu dute: Julen Seco eta Julen Arrizabalaga juniorrak; Ainhoa Tolosa eta Garazi Iturralde emakumezkoak; Txema Carreto eta Luis Abando masterrak; eta Edu Etxeberria, Urko Otxoa, Xabi Olano, Ibon Agirrezabala eta Oskar Martinez openak.
Ostegun honetan jokatuko dira banakako finalak, eta hamar finaletan sei ordezkari izango ditu euskal selekzioak: Edu Etxeberria ('open long'), Garazi Iturralde ('short'), Ainhoa Tolosa ('long'), Luis Abando ('gran master short'), Julen Seco ('junior long') eta Julen Arrizabalaga ('junior short').
