Beste kirolak
10 kilometroko ibilbidea
Igande honetan egingo da Herri Krosa
Erredakzioa
Lasterketa Bilboko Kale Nagusian hasi eta leku berean amaituko da 10 kilometro egin eta gero.
-
Herri Krosa. Argazkia: EFE
Hurrengo igandean, goizeko hamaiketan, hasiko da Herri Krosa, Bilboko kale nagusietan zehar doan lasterketa. Bilboko Kale Nagusian, BBKren egoitzaren aurrean, hasi eta leku berean amaituko da, korrikalariek 10 kilometro egin eta gero.
Aurreikuspenen arabera, 7.000-8.000 korrikalari izango dira eta arinenak hamaika eta erdietan helduko direla espero dute. Parte hartzeko 6 euro ordaindu beharko dira; 5 euro, BBK 26 txartela erakutsiz gero. Antolatzaileak lasterkari bakoitzari dortsala emateaz arduratuko dira.
