Ferrer: 'Espainiaren alde dago kanporaketa, 60-40'

David Ferrerrek gaur adierazi duenez, Espainia faboritoa da Argentinaren aurka Davis Kopako finala irabazteko, etxean jokatzen duelako eta Rafa Nadalek parte hartuko duelako. Hala ere, Xabiako tenislariak lasaitasuna nahi du: "Jendeak faboritoak garela esaten du, baina jokalariek oinak lurrean eduki behar ditugu".

Argentinako taldeari buruz, Espainiako tenislariak Juan Martin del Potro eta David Nabaldian azpimarratu ditu: "Lehenengoak partida guztiak irabazi ahal ditu, eta bigarrena, berriz, harrigarria da motibatuta dagoenean”. Hori dela eta, Ferrerrek binakako partida oso garrantzitsua izango dela aitortu du, “balantza desorekatu ahal duelako".

Azkenik, Rafa Nadalek parte hartzearen garrantzia aitortu du Ferrerrek: "Egia da Nadal gabe irabazi genuela Estatu Batuetan eta Mar del Platan, baina taldeak gora egiten du berarekin, ezinbestekoa da guretzat".