Beste kirolak
Eskubaloia
Ainhoa Hernandezek ez du Zuazon jarraituko datorren denboraldian
A. A. | EITB MEDIA
Hala, amaiera emango dio Barakaldoko klubean igarotako 18 urteko ibilbideari, "atzerriko liga batean" jarraituko baitu jokatzen
-
Ainhoa Hernández. Foto: @CbmZuazo
Zuazo eskubaloi taldeak baieztatu duenez, Ainhoa Hernandez jokalaria eta kapitainak ez du Barakaldoko taldean jokatuko datorren denboraldian, bere ibilbide profesionala "atzerriko liga batean" jarraituko baitu.
Hartara, Hernandezek (26 urte) amaiera emango dio Bizkaiko klubean betetako 18 urteko ibilbideari. 8 urte zituela sartu zen bertan, eta18 urterekin lehen taldera egin zuen jauzi. Urtebete geroago, 19rekin, Espainiako selekzio absolutura iritsi zen.
CB Zuazok "tristura" adierazi du bere jokalaririk esanguratsuena joateagatik, baina baita "poz handia" ere, "kapitainak zain dituen kirol erronkengatik".
"Onena opa nahi diogu etorkizunerako, bere hiriaren, Barakaldoren, Bizkaiaren eta Euskadiren izena erakutsi dezan lehiaketak eramango duen lekutik. Eskerrik asko, Ainhoa. Beti izango zara DNA Zuazo", adierazi du klubak Twitterreko bere kontuan.
¿ BAJA: La capitana Ainhoa Hernández @AinhoaHperchis no continuará con las #GuerrerasZuazotarras la próxima temporada. Tras toda su vida ligada al Club llega el momento de dar el salto al exterior. Eskerrik asko capi!! ¿¿
— Club Balonmano Zuazo (@CbmZuazo) April 19, 2021
¿ NOTA DE PRENSA: https://t.co/x85FM41zE9#ZuazoGara pic.twitter.com/tkwLMcgt26
