Beste kirolak
TOKIO 2020 | ARRAUNA
Virginia Diaz, seigarren lemazainik gabeko biko finalean
EITB Media
Basque Teameko arraunlariaren eta Aina Cid kataluniarraren ontziak ez du arrakastarik izan Tokioko Olinpiar Jokoetan, eta Zeelanda Berriko taldea nagusitu da.
-
Virginia Diaz (eskuinean) eta Aina Cid (ezkerrean). Argazkia: EFE
Virginia Diaz eta Aina Cid arraunlariek, lemazainik gabeko biko modalitatean hiru aldiz Europako domina lortu dutenek, seigarren postua lortu dute Tokioko Olinpiar Jokoetako finalean; Zeelanda Berriko ontziak irabazi du urrea, 6: 50.19 denborarekin.
Hala, Grace Prendergast eta Keri Gowler, 2019ko munduko txapeldunak, dira olinpiar txapeldun berriak. Zilarra Errusiarentzat izan da (+ 1: 26), eta brontzea Kanadarentzat(+ 1: 91).
Cid eta Diaz ez dira gai izan finalaren erritmoa jarraitzeko, eta seigarren postuan joan dira hasiera-hasieratik, helmugara heldu arte. 7: 00.05eko denborarekin, podiumetik zortzi segundora amaitu dute finala.
