Itxi

2021/11/07

14:55

Beste kirolak

ATLETISMOA

Kwizera burundarra eta Fikabu etiopiarra izan dira Donostiako krosaren irabazleak

I. G. | EITB Media

Kwizerak segundo bakar bategatik gainditu du Thomas Ayeko ugandarra, eta Fikabuk 18 segundo atera dizkio Wondemagegn herrikideari.

0:31
Fikabuk irabazi du emakumezkoen lasterketa.
  • Whatsapp
  • Whatsapp
  • Telegram
  • Bidali

Joan den astean Soriako Nazioarteko Krosa irabazi zuen Rodrigue Kwizera Burundiko atletak garaipena errepikatu du Donostian igande honetan, Thomas Ayeko ugandarrari segundo bategatik irabazita. Emakumezkoen proban, berriz, Zenebu Fikadu etiopiarra nagusitu da.

Kwizerak Yemane Haileselassie eritrearrari, Lamdassem eta Mechaali utzi die ia 10 kilometroko lasterketaren pisua, hasieratik tartea ireki duten korrikalarien taldean.

Mechalek bizkortu egin du erritmoa hiru itzuliren faltan eta Kwizera eta Ayeko ugandarra eraman ditu berarekin. Azken honek beste martxa bat sartu du azken itzulian, eta burundarrarekin garaipenaren bila joan dira azken metroetan.

Ayekoren azken kolpeari eutsi ondoren, Kwizera suspertu egin da azken metroetan, segundo batez irabazteko indarra ateraz. Marokoar jatorriko Abdesamad Oukhelfen espainiarrak hirugarren postua lortu du.

Emakumezkoen probak emozio gutxiago izan du. Faborito argiak ziren bi korrikalari afrikarrek erritmoa ezarri dute, eta aurkariek ezin izan diete lehen kilometroetan jarraitu.

Zenebu Fikadu eta Zerfe Wondemagegn etiopiarren arteko aurrez aurrekoa bihurtu da nagusi. Lehenengoa hobeto egokitu da probaren eremu astunera, eta hori euriak etena eman duela azken orduetan eta zirkuitua ez dela hain zail egon.

Azkenean, Fikadu bere herrikidearengandik urrundu da, zilarrarekin konformatu behar izan dena. Carolina Robles espainiarrak lortu du hirugarren postua, lehen postutik 18 segundora amaitu ondoren.

Gizonezkoen probako sailkapena

1.- Rodrigue Kwizera (Bur.) 26:56 minutu

2.- Thomas Ayeko (Uga.) 1 segundora

3.- Abdessamad Oukhelfen (Esp.)  27 segundora

 

Emakumezkoen probako sailkapena

1.- Zenebu Fikadu (Eti.) 25:27 minutu

2.- Zerfe Wondemagegb (Eti.) 11 segundora

3.- Carolina Robles (Esp.) 18 segundora

  • Bisitatuena

      Kargatzen ikusiena
      Kargatzen ikusiena
    ;