Nadal eta Ferrer, elkarren aurka finalerdietan

Erredakzioa

Azken eguneratzea: 2012/06/06 21:08 (UTC+2)

Roland Garrosen bere 50. garaipena lortu du Nadalek, Almagrori 7-6, 6-2 eta 6-3 irabazita. Bestalde, David Ferrerek Andy Murray 6-4, 6-7, 6-3 eta 6-2 mendean hartu du.

Rafael Nadal Manacorreko tenislaria. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (1)

Djokovic eta Federer, elkarren aurka finalerdietan

Roland Garrosen bere 50. garaipena lortu du Rafael Nadal Mallorcako tenislariak. Horrela, Bjon Borg suediarraren marka hautsi du Nadalek. Manacorreko jokalariak Nicolas Almagro herrikidea 7-6 (4), 6-2 eta 6-3 mendean hartu du eta Roland Garroseko finalerdietarako sailkatu da.

Partidak bi ordu eta 46 minutuko iraupena izan du. Euriak hiru minutuko etenaldia egitera behartu du hirugarren setean. Mallorcako tenislariak 7-6, 6-2 eta 6-3 irabazi du. Azken puntua sake zuzen batekin lortu du Nadalek. Horrela, Manacorrekoak ez du setik galdu eta zortzigarren garaipena lortu du lehiaketan.

Bestalde, David Ferrerek Andy Murray 6-4, 6-7(3), 6-3 eta 6-2 mendean hartu du final-laurdenetako beste neurketan. Ferrer eragingarriagoa izan da partidako une erabakigarrietan eta finalerdietarako txartela lortu du. Ferrerek Nadal izango du aurkari finalerdietan.