Erranik eta Sharapovak finala jokatuko dute

Erredakzioa

Azken eguneratzea: 2012/06/07 20:25 (UTC+2)

Sara Errani Italiako tenislariak Samantha Stosur 7-5, 1-6 eta 6-3 hartu du mendean. Bestalde, Maria Sharapovak Petra Kvitova txekiarra (6-3, 6-3) hartu du mendean Roland Garroseko finalerdietan.

Sara Errani Italiako jokalaria garaipena ospatzen. Argazkia: EFE

Whatsapp
Whatsapp
telegram
twitt
Bidali
Esteka kopiatu

Sara Errani Italiako tenislariak Samantha Stosur 7-5, 1-6 eta 6-3 hartu du mendean gaur. Horrela, Roland Garroseko finala Grand Slameko aurrenekoa izango du Erranik.

Italiako tenislariak bi ordu eta lau minutu behar izan ditu Australiako jokalari gihartsua menderatzeko. Errani munduko 24. jokalaria zen WTA zerrendan, baina Roland Garroseko finalareko txartela lortu eta gero hamar onenen artean sailkatuko da.

Bestalde, Maria Sharapova Errusiako tenislariak Petra Kvitova txekiarra (6-3, 6-3) hartu du mendean Roland Garroseko finalerdietan eta bide batez WTA zerrendako jokalaririk onena bihurtu da. Izan ere, Victoria Azarenka Bielorrusiako tenislaria, orain arteko liderra, final-zortzirenetan kanporatu zuten.