Beste kirolak
Eskubaloia
Bera Berak Iberdrola Ligako play-offeko finalaurrekoa jokatuko du, Granollers kanporatu eta gero
G. P. A. | EITB Media
Super Amara Bera Berak eta KH-7 Granollersek 33na berdindu dute Gascan, baina joaneko partidan lau goleko errentarekin gailendu zenez, Donostiako taldeak egin du aurrera.
-
Super Amara Bera Berako jokalariak, pozarren, kanporaketa gaindituta. EITB Media
Super Amara Bera Bera Iberdrola Ligako play-offeko finalerdietan izango da, KH-7 Granollers taldearen aurkako kanporaketa gainditu eta gero.
Imanol Alvarezen taldea 30-34 nagusitu zen joaneko partidan, Granollersen, eta gaur, Gascan, berdinketarekin amaitu da neurketa (33-33).
Norgehiagoka oso parekatua izan da. Lehen zatian, Bera Bera 17-16 gailendu da, eta bigarrenean, Granollersek egin du 16-17ko partziala.
Donostiako taldea hasieratik joan da markagailuan aurretik, baina gehienez lau goleko abantailarekin. Granollersek ez du inoiz amore eman, eta 31-31 berdinduta iritsi dira azken txanpara.
Azkenean, berdinduta bukatu da partida, 33-33, baina Bera Berak etxetik kanpo lau goleko errenta lortu zuenez, Imanol Alvarezen neskek egin dute aurrera.
Finalaurrekoan Costa del Sol Málaga edo Rocasa Kanaria Handia izango dute aurkari.
