Beste kirolak
Eskubaloia
Bidasoa Irunek Torrelavega izango du aurkari Errege Kopako final-laurdenetan
EITB Media
Eskubaloiko Kopa Irungo Artaleku kiroldegian jokatuko da ekainaren 6tik 8ra artean. Irudek Bidasoa Irun anfitrioiak Bathco Torrelavegaren kontra jokatuko du final-laurdenetako kanporaketa.
-
Eskubaloiko Errege Kopako azken faseko kanporaketak. Argazkia: RFE Balonmano
Irudek Bidasoa Irunek Bathco Torrelavega izango du aurkari eskubaloiko Errege Kopako final-laurdenetan. Kopa Irungo (Gipuzkoa) Artaleku kiroldegian jokatuko da, ekainaren 6tik 8ra artean.
Errege Kopako azken fasearen zozketa Kirol Kontseilu Nagusiaren Madrilgo egoitzan egin da zozketa, astelehen honetan, maiatzaren 12an. Final-laurdenak ekainaren 6an jokatuko dira, finalerdiak 7an, eta finala, hilaren 8an.
Bidasoa anfitrioia izango da, eta etxean titulua eskuratzea izango du helburu. Final-laurdenak gaindituz gero, Irungo taldeak Alcobendasen eta Abanca Ademar Leonen arteko kanporaketako irabazlea izango luke aurkari balizko finalerdietan.
Hauxek dira final-laurdenetako beste bi kanporaketak: Logroño La Rioja - Bada Huesca eta Bartzelona - Recoletos Atletico Valladolid.
Final-laurdenetako kanporaketak:
Bidasoa Irun - Bathco Torrelavega
Balonmano Alcobendas - Abanca Ademar Leon
Logroño La Rioja - Bada Huesca
Bartzelona - Recoletos Atletico Valladolid
Finalerdiak:
A) Bidasoa Irun - Bathco Torrelavega partidako irabazlea vs Balonmano Alcobendas - Bada Huesca neurketako garailea
B) Logroño La Rioja - Bada Huesca partidako garailea vs Bartzelona - Recoletos Atletico Valladolid neurketako irabazlea
Finala:
A finalerdiko irabazlea vs B finalerdiko irabazlea
