Beste kirolak
Aizkolaritza
Izeta VI.ak lesioa du oinean, eta ezingo du Ereñotzun aritu, igandean
EITB MEDIA
Aiako aizkolariak ebaki handia du, eta, ostiralean, Donostian, ebakuntza egingo diote; izan ere, eskafoidea haustuta du, eta tendoi bat minduta. Igandean, Bigarren Mailako bigarren kanporaketa zen jokatzekoa, finalerako txartel baten bila, baina, azkenean, baja izango da.
-
Izeta VI.a, artxiboko irudian. EITB Mediaren bideo batetik hartutako argazkia.
Andoni Iruretagoiena aizkolariak, Izeta VI.ak, lesioa du oinean, eta ezingo du aritu igandean, hilaren 25ean, Ereñotzun, Bigarren Mailako bigarren kanporaketan; egun horretan, finalerako txartelak izango dira jokoan. Aiakoak ebaki handia du, eta, ostiralean, Donostian, ebakuntza egingo diote; izan ere, eskafoidea haustuta du, eta tendoi bat minduta. Entrenatzen ari zela izan du lesioa.
Izeta VI.ak, ostegunean, honako hau argitaratu du Instagrameko bere kontuan: "Denboraldi batez, plazetatik kanpo izango gara, lesio bat dela eta; baina inoiz baino indartsuago bueltatuko naiz", nabarmendu du, jasotako animoak eskertu aurretik.
Hala, Izeta VI.ak ezin izango du txapelketan jarraitu, lesioagatik.
