Alavesek emaitza on bat lortu nahi du Atletico Madrilen aurka

Alaves Lehen Mailara itzuli da 10 urteren ostean eta igande honetan ekingo dio LaLiga Santerderreko 2016-2017. denboraldiari. Arabako taldeak Atletico Madril izango du aurkari. Partida Calderonen jokatuko da, 22:15ean.

Theo Hernandezek ezingo du jokatu koltxoneroen aurka Atleticok utzita baitago eta bere kontratuak ez diolako jokatzen uzten. Bestalde, Deyverson min hartuta dago, eta baja izango da.

Atletico Madril aurkari gogorra izango da. Antoine Griezmann baja da partida honetarako, zigortuta baitago iragan dnboralditik. Bere ordez, Kevin Gameiro izango da aurrelari titularra.

Ustezko hamaikakoak:

Atlético Madril: Oblak; Juanfran, Gimenez edo Savic, Godin, Filipe; Saul, Gabi, Tiago, Koke; Carrasco eta Gameiro.

Alaves: Pacheco; Kiko Femenia, Alexis, Feddal, Raul Garcia; Dani Torres; Manu Garcia, Krsticic, Edgar, Ibai; eta Toquero.

Epailea: Iglesias Villanueva.

Zelaia: Vicente Calderon.

Ordua: 22.15ean.