Alaves
Erreginaren Kopa
Oviedo Moderno-Alaves, Sporting Huelva-Osasuna eta FC Tenerife-Eibar kanporaketak, Kopako final-hamaseirenetan
EITB Media
Alavesek, Osasunak eta Eibarrek etxetik kanpo jokatuko dituzte Erreginaren Kopako hirugarren kanporaketako neurketak. Norgehiagokak azaroaren 22a eta 24a artean jokatuko dira.
-
Alaveseko jokalariak Real Madrili ligan sartutako gola ospatzen. Argazkia: EFE
Ostiral honetan (urriak 21) Erreginaren Kopako hirugarren kanporaketako zozketa egin da Espainiako Futbol Federazioaren Las Rozaseko (Madril) egoitzan. Hiru euskal talde ariko dira final-zortzirenetarako txartela eskuratzeko lehian: Alaves, Osasuna eta Eibar; Realak eta Athleticek, aldiz, ez dute kanporaketa hau jokatu behar.
Etxetik kanpo jokatuko dute hiru euskal taldeek. Alavesek Oviedo Modernori egingo dio bisita, Andaluziara bidaiatuko du Osasunak Sporting Huelvaren aurka jokatzeko, eta Kanariar Uharteetan lehiatuko da Eibar Fundación Canaria Teneriferen kontra.
Final-hamaseirenetako partidak azaroaren 22a eta 24 artean jokatuko dira.
Erreginaren Kopako final-hamaseirenetako kanporaketak:
Fundación Canaria Tenerife - Eibar
Alhama ElPozo - Valentzia
Oviedo Moderno - Alaves
Alba Fundación - Rayo Vallecano
Osasuna - Sporting Huelva
Granada - Betis
Espanyol - Vila-real
Cordoba - Madril CFF
