Alaves
EA Sports Liga
Antonio Blancok ez du jokatuko Alaves - Athletic euskal derbia
EITB Media
Arabako taldeko erdilaria deialditik kanpo geratu da, baina Alavesek ez du jakinarazi zein den arrazoia. Kontuak kontu, Blancok Mendizorrotzako derbia galduko du.
-
Antonio Blanco (Alaves) 2022-2023 denboraldiko Mirandesen aurkako partida baten. Argazkia: @Alaves
Antonio Blanco Alaveseko erdilariak ez du jokatuko Athleticen aurkako euskal derbia. Jokalaria Arabako taldearen deialditik kanpo geratu da, eta, ondorioz, ez da arituko Mendizorrotzan irailaren 23an EA Sports Ligako 6. jardunaldiko norgehiagokan.
Gasteizko klubak ez du azaldu zein den Blancoren bajaren arrazoia. Hala ere, bezperan, Luis Garcia Plaza entrenatzaileak prentsaurrekoan jakinarazi zuen baja bat egongo zela, baina ez zuen zehaztu nork galduko zuen derbia.
Jokalari garrantzitsua da Antonio Blanco Alavesentzat. Haren hutsunea Carlos Benavidezek beteko du.
Luis Garcia Plazak bigarren taldeko Unai Ropero eta Tomas Mendes deitu ditu Athleticen aurkako neurketarako.
