Alaves
Jokalari berria
Aleñak Alavesen jokatuko du, utzita, 2024-25 denboraldiko amaierara arte
EITB MEDIA
Erdilaria, 27 urtekoa bera, Getafetik iritsi da Gasteizko klubera; Madrilgo talde horretan aritu aurretik, Bartzelonan eta Betisen ere jokatu zuen, Lehen Mailan.
-
Carles Aleña denboraldiaren amaierara arte izango da Alavesen. Irudia: Alaves.
Carles Aleña erdilariak Alavesen jokatuko du, utzita, 2024-25 denboraldiaren amaierara arte, astelehenean Gasteizko klubak iragarri duenez. Aleña Getafetik iritsi da taldera, eta 2020-21 denboralditik ibili da Getafen.
Aleña, 27 urtekoa bera, Bartzelonaren harrobian hazi zen futbolari gisa, eta partida batzuk jokatu zituen Bartzelonako lehen taldean. 2019-20 denboraldian, Betisen jokatu zuen, utzita, eta 2020-21ean Getafen; 2021etik da Madrilgo taldeko jokalaria, eta orain Getafek Alavesen izango du utzita.
"Espainiako futbolaren elitean kalitate eta esperientzia egiaztatua duen jokalaria da Aleña, Alavesek nabarmendu duenez.
Halaber, Alavesek iragarri du Tomas Conechnyri alta eman diotela ospitalean, eta Gasteizera itzuliko dela, igandean izandako lesioa sendatzeko prozesuari ekitea helburu; jokalariak "burezurrean fisura bat" du, eta, ondorioz, Bartzelonako ospitale batean ingresatu zuten igandean, Bartzelona-Alaves partidaren ostean.