Alaves
EA SPORTS LIGA
Alavesek lehen mailan jarraituko du datorren denboraldian, Valladoliden garaipena lortuta (0-1)
G.P. A. | EITB MEDIA
Kike Garciak egin du babazorroen gola, penaltiz, lehen zatian. Norgehiagokaren azken txanpan, Valladolidek aurrera jo du, eta Alavesek sufritu egin du emaitzari eusteko.
-
Alaveseko jokalariak, Kike Garciaren gola ospatzen. EFE
Alavesek 0-1 irabazi dio Valladolidi Zorrillan, eta, horrenbestez, datorren denboraldian EA Sports Ligan jarraituko duela ziurtatu du, liga bukatzeko jardunaldi bakarra gelditzen dela.
Babazorroen gola Kike Garciak sartu du, penaltiz, lehen zatian. 'Chacho' Coudeten taldeak kontrolpean izan du neurketa, eta bigarrenean, pare bat gol aukera ere izan ditu partida ixteko.
Ez ditu baliatu, eta azken txanpan, sufritu egin du, Valladolidek aurrera jo duelako, jokoan ezer ez zuen arren; izan ere, duela zenbait jardunaldi erabaki zen talde horrek Bigarren Mailara jaitsiko zela.
Edonola ere, Alavesek ondo eutsi dio erasoari, eta, azkenean, hainbeste nahi eta behar zuen garaipena lortu egin du. Asko kostata eta liga bukatzeko azken-aurreko jardunaldian iritsi da Gasteizko taldearen salbazioa.
Jokalariek eta entranatzaileak gogotik ospatu dute zelaian, baita Euskal Herritik joandako zaleek ere, harmailetan.
KIKE GARCIAREN GOLA:
