Athletic Club
Prentsaurrekoa
Valverdek ez du uste taldearen maila jaitsi denik
Erredakzioa
"Denboraldian zehar krisirako eta susperraldirako uneak daude, denetarako", esan du entrenatzaile zur-gorriak.
-
Ernesto Valverde. Argazkia: EFE
Ernesto Valverde Athleticeko entrenatzaileak baieztatu du jokalari guztiak prest dituela, Ibai Gomez izan ezik. Toquero eta Beñat taldekideekin batera entrenatzen dabiltza lehenbailehen erritmoa hartzeko. Guillermok ere lehen taldearekin jarraitzen du eta Granadari aurre egiteko deialdian sartu liteke.
Azken partidak ez dira onak izan, baina entrenatzaile zuri-gorriak ez du uste taldearen maila jaitsi denik. "Denboraldian zehar krisirako eta susperraldirako uneak daude, denetarako", esan du.
Gero eta gutxiago falta da liga amaitzeko eta sailkapenean atzetik datozen taldeak hurbildu egin dira, baina Valverderentzat hori ez da ustekabea. Ostiral honetan Nuevo Los Carmenesen jokatuko dute.
