Athletic Club
Laugarren postua
Susaeta: 'Vila-reali irabazita, alde handia lortuko genuke'
Erredakzioa
Athleticeko jokalariak bosgarren sailkatuari alde handiagoa atera nahi dio, baina uste du diferentzia ez dela 'behin betikoa' izango.
Markel Susaetak uste du Vila-reali Madrigalen irabaztea ez dela "behin betikoa izango", baina alde garrantzitsua emango liokeela taldeari, laugarren postua mantentzeko borrokan. Vila-real baino hamar puntu gehiago izango lituzke Athleticek.
"Argi dago ez litzatekeela behin betikoa izango, oraindik hamar jardunaldi geratuko direlako, baina aldea garrantzitsua litzateke", esan du Susaetak. Berdinketa ere ona izan daiteke bi taldeen arteko aldea mantentzeko, baina jardunaldi bukaerara arte itxaron beharko litzateke.
Jokalari zurigorriaren arabera, laugarren postuan mantentzeko gakoa Athletic kanpoan lortzen ari den puntuak dira, "joko ona egin gabe". Maila pertsonalean, Susaetak azken partidak "ez direla onenak izan" onartu du. Eibarkoak 27 neurketatik 25tan jokatu du titular moduan.
Marcelinoren epaileari buruzko hitzen inguruan, Susaetak zera esan du: "Laugarrenak gara, defendatuko dugu eta ez diegu hitz horiei kasurik egin behar".
