Athletic Club
20:15ean
Europa Ligaren aurreko prestakuntza saioa, Betisen aurka
ERREDAKZIOA | AGENTZIAK
Ostegun honetan, arratsaldeko 20:15ean, neurketako xehetasun guztiak zuzenean ETB1 katean eta eitb.eus atarian.
Zuri-gorriek Andaluziako Betisen aurka neurtuko dituzte indarrak Arcos de la Fronterako zelaian jokatuko duten lagunartekoan.
Aymeric Laportek, Mikel San Josek eta harrobiko Iñigo Lekue eta Sabin Merinok estreinakoz jokatuko dute denboraldi-aurre honetan.
Arestian aipatutako hauez gain, Valverdek Iraizoz, Herrerin, Elustondo, Boveda, Eraso, Ibai, Sola, Viguera, Iturraspe, Etxeita, Guillermo, Aurtenetxe, Unai Lopez eta Saborit deitu ditu. Azken bi hauek aurreratu genuenez, datorren denboraldian Bilbao Athleticen jokatuko dute.
Beraz, Europa Ligako lehen partidarako gero eta gutxiago falta den honetan, Aduriz, Balenziaga, Beñat, De Marcos edo Gurpeguiri atsedena ematea erabaki du Ernesto Valverdek.
Neurketako xehetasun guztiak jarraitu nahi izanez gero, eskura duzue ETB1 katean eta eitb.eus atarian.
