Athletic Club
Zuri-gorriak, sendo
Lens-Athletic (0-2): Aurredenboraldiko hirugarren garaipena
Erredakzioa
Susaetak eta Aurtenetxek lortutako golei esker, bilbotarrek garaipena lortu dute errodaia gehiago daraman talde baten aurka.
Udako laugarren lagunartekoan, Athleticek garaipena lortu zuen Lens bezalako talde indartsu baten aurka. Zuri-gorriak aurretik jarri ziren markagailuan, lehen zatiko 20. minutuan Susaetak defentsa baten huts egitea aprobetxatu eta atezaina gainetik gainditu baitzuen . Nahiz eta Lens taldeak errodaia gehiago izan aurredenboraldian, talde bizkaitarrak itxura sendoa eman zuen zelaian eta ez ziren Gasteizen emandako akatsak errepikatu. 68. minutuan Aurtenetxek 0-2koa lortu zuen eskuin oinarekin, bigarren zutoinean korner erdiraketa baten ondoren.
Garaipen honekin Caparrosen mutilek Alavesen aurka erakutsitako itxura kaskarra garbitu egin dute eta sendo mantentzen dira aurredenboraldian.
