Athletic Club
Oraindik zabalik
eitb.com-eko erredakzioan, derbirako kiniela
Erredakzioa
4-1, 2-1, 2-3, 0-4, 0-0... Eta horrela, 25 emaitza ezberdin baino gehiago. Erredakzioan derbiaren pasioa heldu da eta pronostikozale ugari dagoenez, asko dira zerrendan idatzi diren emaitzak.
eitb.com-eko erredakzioan euskal derbia ere hizpide dugu. Eta ia denok Realaren eta&' || 'nbsp;Athleticen arteko partidarako gure pronostikoa egin dugu.
Eta noski, hori dena paper batean jarri behar izan dugu (bai, gure erredakzioan teknologia berriak erdigunean ditugu, baina paperak beti izango du bere tartetxoa), komentatu eta jakina, eurotxoa jarri asmatzen duenak saria izan dezan.
Apostuak era askotarikoak izan dira, batzuek gol-festa iragarri dute, beste batzuek askoz ere pronostiko zuhurragoak egin dituzte (0-1 edo 1-0), eta baten batek golik gabeko berdinketa aurreikusi du.
Berdin dio, benetako emaitza igandean helduko da, 23:00ak aldera eta batzuk erredakzioan geldituko gara&' || 'nbsp;Reala-Athletic neurketa zuzenean jarraitzeko eta noski, kinielaren irabazlea nor den ezagutzeko.
