Athletic Club
Larunbatean 18:00etan
Bolada onari jarraipena eman nahi dio Athleticek Sportingen aurka
Erredakzioa
Jarraian laugarren garaipena eskuratzea izango du helburu talde zuri-gorriak. Urko Vera deialdian sartu da.
Athleticek Sporting hartuko du larunbat honetan San Mamesen garaipena eskuratu eta Europako postua sendotzeko asmoz (18:00etan).
Malagako puntuari eta Racing, Hercules eta Atleticoren aurka lortutako garaipenei esker sailkapen nagusiko seigarren postuan da talde zuri-gorria. Zazpigarren sailkatuarekin, Atletico eta Sevillarekin, bost puntuko aldea dauka.
Hasierako hamaikakoari dagokionez, Pablo Orbaiz izan daiteke nobedade bakarra. Javi Martinezek bosgarren horia ikusi zuen aurreko asteburuan, zigortuta dago eta Orbaizek hartuko du haren lekua. Urko Vera deialdian sartu da.
Ustezko hamaikakoak:
Athletic: Iraizoz; Iraola, San Jose, Ekiza, Koikili; David Lopez, Orbaiz, Gurpegui, Muniain; Toquero eta Llorente.
Sporting: Cuellar, Lora, Ivan Hernandez, Gregory, Canella, Eguren, Nacho Cases, Rivera, De las Cuevas, Diego Castro eta Barral.
Epailea: Jose Antonio Teixeira Vitienes
Futbol-zelaia: San Mames.
Ordua: 18:00etan
