Mallorca-Athletic (1-0): Zuri-gorrien porrota

Athleticek ezin izan du punturik lortu Iberostar futbol zelaian Webok lehen zatiko hamargarren minutuan gol erabakigarria sartu duelako Mallorcarentzat. Bilbotarrak ez dira erasoan ondo egon eta Laudrupen mutilek ondo gelditu dituzte bizkaitarren aukerak. Mallorcako taldea nagusi izan da lehen zatian eta nahiz eta bigarrenean Caparrosen mutilek jokoaren kontrola izan ezin izan dute norgehiagoka berdindu.

Mallorcak erasoan murgilduta hasi du norgehiagoka eta zuri-gorriendefentsak asko pairatu ditu baleareetakoen kontraerasoak. "Chori"Castrok 1-0ekoa lortu ahal izan du 3. minutuan, baina Mallorcakojokalariak huts egite handia egin du Iraizozen aurrean bakarrikzegoelarik. 9. minutuan Toquerok aukera paregabea izan du, baina bereburukada Kevinek ate azpian atera du. Kontraerasoan, Nsuek bakarkakojokaldi ederra egin du eta pase bikaina eman dio Webori, honek 1-0ekoalortzeko.

Michael Laudrupen taldeak 10. minutuan hartu du aurrea markagailuan eta bilbotarrek ezin izan dute erasoan erantzun, Aouate sendo egon delako atea azpian. 18. minutuan David Lopezen jaurtiketa bat Mallorcako atezainak ondo desbideratu du aukera paregabe batean. Etxeko taldeak kontraerasoa bilatzen jarraitu du eta bizkaitarrek asko sufritu dute defentsa aurreratuarekin. Lehen zatiko 41. minutuan Webok bigarrena barkatu egin du Iraizozen aurrean, aldaratze baten ostean. Atsedenaldira bilbotarrak markagailuan atzetik joan dira baleareetakoak gehiago izan direlako.

Bigarren zatian bizkaitarrek itxura hobea eman dute zelaian, baina aurrelariek ez dituzte euren jaurtiketak asmatu. Iraolak aukera bikaina izan du norgehiagokaren 60. minutuan, baina bere zartakoa gora joan da oso desbideraturik. Caparrosek Gabilondo ajrri du Koikiliren ordez, baina zuri-gorriek ezin izan dute hegaletatik arriskua sortu, Mallorcak ederki irakurri duelako partida. Bitartean, Laudrupen mutilek arrskua sortu dute kontrerasoetan eta De Guzmanek gutxigatik ez du 2-0ekoa lortu partidazo 76. minutuan. Hala ere, Iraizoz sendo egon da ate azpian eta atezain nafarrak arazorik gabe gelditu du jokalari balearraren zartakoa

Utrerako entrenatzaileak Susaeta eta Urko Vera zelairatu ditu David Lopez eta Toqueroren ordez, baina zuri-gorriek ez dituzte gol aukera garbiak sortu. Lemoak jokalari ohiak gutxigatik ez du bere lehen gola sartu bigarren zatiko 41. minutuan, baina bizkaitarraren jaurtiketa gora joan da desbideratua. Verak beste aukera on bat izan du partidazo azken minutuan lehen zutoinean egindako burukada batekin, baina Aouatek sekulako geldiketa egin dio aurrelari zuri-gorriari. Azkenean hiru puntuak etxean gelditu dira, Mallorcak ondo irakurri duelako partida eta Athleticen erasoa guztiz gelditu duelako.