Itxi

Athletic Club

Denboraldia amaitu arte

Ganeak utzita jokatuko du Errumaniako Viitorul Constanta taldean

AGENTZIAK | ERREDAKZIOA

Denboraldi honetan, Garitanok ez du sekula deialdi batean sartu ezker hegaleko errumaniarra.

  • Cristian Ganea, bere aurkezpen egunean.

    Cristian Ganea, bere aurkezpen egunean. Argazkia: EFE

Athleticek eta Viitorul Constantak aurre-akordioa lortu dute Cristian Ganea jokalariak Gica Hagik zuzentzen duen Errumaniako taldean joka dezan, denboraldiaren amaierara arte.

Ganeak 27 urte ditu eta 2021era arteko kontratua dauka Bilboko taldearekin. Ezker hegaleko atzelariak bi neurketa baino ez ditu jokatu orain arte Athleticekin. Joan zen denboraldian, bata bestearen atzetik jardun zuen Huescaren aurkako Kopako partidan eta Levanteren kontrako ligakoan. Hain zuzen ere, bi norgehiagoka horiek izan ziren Eduardo Berizzok Athleticeko entrenatzaile gisa zuzendu zituen azken lehia biak.

Joan den denboraldian, Gaizka Garitano zuri-gorrien aulkira iritsi eta aste batzuetara, Numantziarako bidea hartu zuen neguko merkatuan, bertan ere utzita aritzeko. Bertan, 17 partidatan hartu zuen parte.

Denboraldi honetan, ordea, Garitanok ez du sekula deialdi batean sartu.