Athletic Club
Ostegunean, 21:00etan
Athletic-Trabzonspor: San Mames, Europarekin hitzordua
Erredakzioa
Zuri-gorriek UEFA Europa Leagueko joaneko partida jokatuko dute San Mamesen. Norgehiagoka iluntzeko 21:00etan jokatuko da eta eitb.com-ek zuzenean eskainiko du osteguneko neurketa.
Marcela Bielsaren debuta izango da gaurko partidan.Argentinarrak erronka zaila du, emaitza ona atera UEFA Europa Leagueko play offetako joanako partidan kanporaketa bideratuta uzteko.
Hurrengo kanporaketarako txartela lortzen badu Athleticek multzoko faserako sailkatu da taldea. Bilbotarrek Trabzonspor izango dute aurrean, Turkiako Ligan bigarren aurreko denboraldian eta aurten Txapeldunen Ligako atarian lehiaketatik at geratu den taldea.
Bielsak zelairatuko duen hamaikakoa honako hau izan daiteke: atezain moduan zalantzarik ez, Gorka Iraizoz, hegaletan Gurpegi eta Aurtenetxe eta defentsaren erdialdean San Jose eta Amorebieta.
Metro batzuk aurrerago Javi Martinez nafarra arituko da jokoa antolatzen, ondoan Ander Herrera, bere debuta San Mamesen, eta Iturraspe izango ditu. Zelai erdiko hegaltean Gabilondo (ezkerratik) eta Muniain (eskumatik); Fernando Llorente izango da aurrelaria.
Athletic Club: Iraizoz; Gurpegui, San Jose, Amorebieta, Aurtenetxe; Javi Martinez; Muniain, Iturraspe, Herrera, Gabilondo; eta Llorente.
Trabzonspor AS: Tolga; Balci, Kaçar, Glowacki, Celutska; Alazinho, Colman, Yumlu, Akgün; Paulo Henrique eta Yilmaz.
Epailea: Daniele Orsato (Italia).
Futbol-zelaia: San Mames.
Ordua: 21:00
