Iraizoz: 'Osasuna irabaztea beste pausotxo bat izango litzateke'

Athleticek Osasuna hartuko du astelehenean San Mamesen (21:00etan). Partida horri buruz Gorka Iraizoz mintzatu da prentsaurrekoan. Talde gorritxoari irabaztea "beste pausotxo bat" izango litzatekeela adierazi du atezainak. Hirugarrena jarraian izango lizateke Paris Saint-Germain eta Reala mendean hartu ondoren.

"Zenbat eta garaipen gehiago lortu orduan eta babestuago egongo gara", esan du Iraizozek Lezamako entrenamendua bukatu ondoren.
Nafarrak garrantzia kendu dio Athleticek duen egutegi zorrotzari (hurrengo hiru asteetan bost partida jokatu beharko ditu), baina badaki entrenamendua-saioak eta partiden ostean indarrak berreskuratzeko epeak aldatu beharko badituzte ere.