Athletic Club
BBVA Liga
Athletic: David Lopez, Ekiza eta De Marcos min hartuta itzuli dira
Erredakzioa
Erdilariak eta erdiko defentsak orkatilla bihurrituta dute eta Oscar De Marcosek min du sorbaldan hartutako kolpe baten ondorioz.
-
Ekizak min du eskuin hankako orkatilan. Argazkia: EFE
David Lopez, Borja Ekiza eta Oscar de Marcos min harturik itzuli ziren Xixonetik. Lopezek eta Ekizak eskuin hankako orkatila bihurrituta dute eta zalantza dira Salburgen aurka ostegunean jokatu beharreko Europa Leagueko partidarako.
De Marcosen kasua arinagoa da. Sorbaldan kolpe bat hartu eta min harturik itzuli zen, baina Salburgen aurkakorako prest egotea espero da.
Athleticen ohar medikua:
David Lopez: Eskuin orkatileko kanpoko lotailuaren zartadura. Bilakaeraren zain.
Borja Ekiza: Eskuin orkatileko barne lotailuaren zartadura. Bilakaeraren zain.
Oscar de Marcos: Kolpea ezker sorbaldan. Bilakaeraren zain.
