Athletic Club
Europa League
PSG-Athletic: Lehoikumeen aukera
Erredakzioa
Bilboko taldeak lortuta du jada hurrengo faserako txartela eta, horregatik, Bielsak jokalari gaztez betetako taldea aurkeztuko du.
Ohiko jokalarien ordez, Bielsak harrobiko hainbat jokalari deitu ditu partida honetarako, Jonas Ramalho, Iñigo Ruiz de Galarreta eta Guillermo Fernández, besteak beste. Gainera, baliteke Raul Fernandezek Iraizozen postua hartzea atean.
PSGk, berriz, arazoak ditu; Athletici irabazi egin behar dio eta, gainera, Salzburgok huts egin beharko du, paristarrek Europa Leaguen aurrera egiteko. Antoine Kombouare entrenatzaileak ez ditu zuzendaritzak espero zituen emaitzak lortu eta, horregatik, baliteke Europako txapelketan aurrera egin ezean bere kargua uztea.
Balizko hamaikakoak:
París SG: Douchez; Ceara edo Jallet, Camara, Sakho, Armand, Bodmer, Sissoko; Ménez, Pastore, Nene; Gameiro edo Erding.
Athletic Club: Raúl; Ramalho, San José, Ekiza, Koikili; Galarreta, Iturraspe, David López; Ibai Gómez, Toquero eta Gabilondo.
