Athletic Club
Igandean 18:00etan
Athletic-Levante: Europako postuetan sartzea da helburua
Erredakzioa
Marcelo Bielsaren mutilek denboraldian ezustekoa eman due taldea hartuko dute San Mamesen. Sailkapenean aurrerapauso garrantzitsua emateko aukera ederra du Bilboko taldeak.
-
Athletic. Argazkia: EFE
Athleticek Levanteren aurka jokatuko du Errege Kopan final-laurdenetarako sailkatzea lortu eta gero. Europako postuetan sartzeko aukera ederra dute Marcelo Bielsaren mutilek. Gainera, Valentziako taldeak azkenenego lau partidak galdu egin ditu etxetik kanpora eta zuri-gorriek Albacete 4-0 garaitu zuten ostegunean San Mamesen.
Rosarioko entrenatzaileak hamaikakoa errepikatuko duela badirudi, Fernando Llorente hasieratik zelairatuko baitu. Amorebietak atzean utzi du orkatileko lesioa eta Javi Martinezekin batera defentsan arituko da.
Levantek etxetik kanpora bizitzen ari den bolada txarra apurtu nahiko du Bilbon, baina Juan Ignacio Martinezek Juanlu Gomez eta Pedro Lopez galdu egin ditu lesioak direla eta.
Marcelo Bielsa entrenatzaileak honako jokalariak deitu ditu Levanteren aurka jokatzeko: Iraizoz, Toquero, Aurtenetxe, Amorebieta, San Jose, David Lopez, Iturraspe, Llorente, De Marcos, Raul, Susaeta, Iraola, Iñigo Perez, Muniain, Ander Herrera, Ekiza, Javi Martinez eta Ibai.
