Athletic Club
Errege Kopa
Mallorca-Athletic: Mirandes, 'lehoien' zain
Erredakzioa
Marcelo Bielsak zuzendutako taldea ez da Mallorcaz fidatzen, joaneko partidan bi eta huts irabazi arren. Finalerdietan Carlos Pousoren Mirandes izango da aurkaria.
-
Athletic-Mallorca, artxibozko irudia. Argazkia: EFE
Athletic asteazken honetan lehiatuko da Mallorcarekin, Errege Kopako finalerdietara heltzeko helburuarekin. Bilboko taldeak bi eta huts irabazi zuen joaneko partidan, baina badaki ezin dela Caparrosen taldeaz fidatu. Izan ere, Reala markagailu berdinarekin heldu zen eta sei gol jaso zituen.
Ligan Real Madrilen kontra galdu arren, Athletic konfiantzaz helduko da norgehiagokara, batez ere azken partidetan egindako joko ona dela eta. Gainera, Aurtenetxe hamaikakora itzuliko da, Bernabeuko partidan zigortuta egon eta gero.
Mallorcak, berriz, badaki guztia posible dela eta, horregatik, partida ona egitea espero du, "lehoiak" mendean hartzea helburu hartuta. Izan ere, Caparrosek eta bere jokalariek adierazi dutenez, kanporaketan aurrera egitea "zaila da, baina ez ezinezkoa".
Balizko hamaikakoak:
Mallorca: Calatayud; Chico, Chico, Ramis, Cáceres; Pereira, Tissone, Pina, Castro; Víctor, Hemed.
Athletic Club: Iraizoz; Iraola, Javi Martínez, Amorebieta, Aurtenetxe; Iturraspe; Susaeta, Herrera, De Marcos; Muniain; Llorente.
